其實我真係好鐘意做手作同創作💕
剪剪貼貼，車縫穿珠咩都玩一餐，咩都會接觸一下！
廿幾年前仲試過係yahoo 整網頁創作自己小天地（而家個網消失得無影無蹤😂）
玩穿珠（試過穿過一隻hello米米😂穿到眼都矇）
玩貼鑽（貼卡 貼鞋 乜都貼一餐）
玩衣車（完全係買書自學，去實體學都係買衣車果陣送左一堂車背囊咁大把）
DIY 髮飾 （因為燒賣出左世之後，好想同佢扮靚靚）
玩不織布剪剪貼貼（用布做本遊戲書俾燒賣bb我都試過！）
玩滴膠（6，7年前因為個女想玩而落左坑😆）
織手繩（簡直係童年回憶🤣）
用擦膠挑印仔（同表姊無聊一齊試😅）
蝶古巴特你又聽過未？未？
但我都有俾過錢去學過！（學完仲要整到一屋都係😂）
喜歡手作沒有原因，我唔係樣樣皆精，但我有我個人風格（就係3分鐘熱度🤣🤣🤣）
燒賣媽 